Samstarfssamningur við Samband stjórnendafélaga

Undirritaður hefur verið samstarfssamningur KOMPÁS við Samband stjórnendafélaga (STF).

STF er með á fjórða þúsund félagsmenn og tíu aðildarfélög um allt land. Kjaramál spila stórt hlutverk í starfsemi STF, en einnig hefur félagið gert sig gildandi í mennta- og fræðslumálum.

Félagið stendur m.a. að baki Stjórnendanáminu, þar sem KOMPÁS hefur verið að nýtast nemendum.

Samstarfssamningurinn formgerir það góða samstarf sem hefur verið í gegnum árin. Áfram verður unnið að útfærslum þess hvernig verkfærakista KOMPÁS getur nýst félagsmönnum og stjórnendafræðslu enn frekar.